Архангай аймгийн ХХҮГ-ийн харъяа Шивэрт дэх ахмадын амралт

Үзсэн : 789

Зураг

Ахмад настан, хөгжлийн бэрхшээлтэй иргэдийг аюулгүй, тав тухтай орчинд амарч сувилуулах нөхцөлийг бүрдүүлэх, тэдэнд шаардлагатай уламжлалт, сэргээн засах эмчилгээ үйлчилгээг үзүүлж, амт чанартай, тэжээллэг хоолоор үйлчлэхийг эрхэм зорилгоо болгон үйл ажиллагаагаа чиглүүлэн ажиллаж байна.

Ахмадын амралтандаа ахмад настан, хөгжлийн бэрхшээлтэй иргэд та бүхнийг гэр бүл , хамт олонтойгоо амарч тухлахыг урьж байна. Манай шивэрт дэх ахмадын амралт нь дараах төрлийн үндсэн үйлчилгээгээр амрагчдаа угтан амрааж байна.
Шивэрт дэх ахмадын амралтаар үйлчлүүлснээр та бүхэн доорх давуу талыг мэдрэх болно. Үүнд:

- Архангай аймгийн төвөөс холгүй буюу 45 километр байрладаг;
- Үзэсгэлэнт сайхан байгалтай;
- Амтат хоол зуушаар үйлчилнэ;
- Биллъярд, нар салхинд тухлан суух сүүдрэвч, бүжгийн талбай;
- 5 цулд сайн Хүрээ нутгийн уудаг рашаан, Шивэртийн халуун рашаанд орж, Нохой ундагийн шавар зэргийг эмчилгээний зориулалтаар ашигладаг
- 42 ахмад настан, хөгжлийн бэрхшээлтэй амрагчдыг хүлээн авах хүчин чадалтай;
- Дулаан, халаалтын асуудлыг шийдэж өгсөн;
- Гүний худгаар усны хэрэглээг шийдэж өгсөн;
- Утасны сүлжээ, харилцаа барих боломжтой;
- Амралтын газарт очихдоо аймгийн төв хүртэл дан засмал замаар очдог, цааш 30 гаруй километр хөдөө замтай;
- Гүүний саам ууж, бариа заслын хэд хэдэн төрлийн үйлчилгээ хийлгэн Хаш чулуун тоног төхөөрөмж дээр эмчилгээний зарим нэг үйлдэл хийлгэх боломжтой;
- Хорхог боодогны хонь, ямаа худалдан авах боломжтой;

-Уламжлалт, сэргээн засах эмчилгээнд дараах үйлчилгээг хамруулна.

  1. Шавар эмчилгээ
  2. Рашаан эмчилгээ
  3. Хүрээ нутгийн рашаан зөөж уулгах
  4. Тосон бариа
  5. Сүүн бариа
  6. Хэсэг газрын бариа
  7. Толгойн бариа
  8. Соронзон бумба
  9. Зүүтэй бумба
  10. Төөнүүр гулгуур банк зэрэг уламжлалт эмчилгээ
  11. Хаш чулуун ор
  12. Нурууны татлагын ор
  13. Хөлийн массаж
  14. Толгойн массаж
  15. Улаан туяаны аппарат
  16. УВЧ зэрэг аппаратын эмчилгээ сувилгааг хийж байна. Мөн амрагчдад өглөөний дасгал хийлгэж, өдөрт 3 удаа хоолонд, 2 удаа цайнд оруулж, амрагчдын дунд шатар, даам, цэнгээнт бүжгийн тэмцээн зохион байгуулж ээлж солигдох бүрт амарч буй ахмадуудаас амралтын үйлчилгээний талаар санал асуулга бэлтгэж авдаг.

Архангай аймгийн НХҮХэлтсийн Ахмадын амралтанд хэрхэн амрах тухай

  1. Дор дурьдсан хүмүүст үйлчилнэ.Үүнд:
  • Ахмаддайчин, хөдөлмөрийн баатар, ардын болон гавъяат цолтон ахмадууд.
  • Өндөр насны тэтгэвэр авагч 55-аас дээш настай эмэгтэй, 60-аас дээш настай эрэгтэй
  • Хөгжлийн бэрхшээлтэй иргэд
  1. Амралтанд амрахыг хүссэн ахмад настан, хөгжлийн бэрхшээлтэй иргэд тухайн сум баг хариуцсан халамжийн мэргэжилтэнд хандан дараалалаа бичүүлж, НХҮХ-ийн ахмадын асуудал хариуцсан мэргэжилтнээс амрах эрхийн бичгийг авна.
  2. Амрагчид доорхи бичиг баримтыг бүрдүүлж, амрах эрхийн
    бичиг авна.
  • Иргэний үнэмлэх
  • Хөгжлийн бэрхшээлтэй иргэн бол түүнийг магадлах үнэмлэх
  • Эмчийн тодорхойлолт/ зөвшөөрөл/
  • Амрагч 1 хоногт 8000 төгрөгбуюу 10 хоногт 80000 төгрөг төлнө.
  • Амрах хоногийг 10 хүртэл хоногоор бичнэ.
  1. Амралтанд амрахаас 3 хоногийн өмнө амрах эрхийн бичгийг авсан байна.
  2. Цусны даралт хэт өндөр, зүрх судасны болон сэтгэцийн өвчтэй, сахиуртай хүнд амрах эрхийн бичиг олгохгүй.

НХҮХ-ийн ахмадын амралтаар үйлчлүүлэгчдийн анхааралд

  1. Амрах эрхийн бичгийг бусдад шилжүүлэх буюу хаяж үрэгдүүлбэл хүчингүйд тооцно.
  2. Эрхийн бичгийн бичилт дутуу, тоо, үсэг засвартай тамга гарын үсэггүй бол хүлээж авахгүй.
  3. Хүндэтгэн үзэх шалтгаангүй хугацаанаас өмнө ирэх буюу хоног илүү хонохыг хориглоно. Шалтгаангүй дутуу амарсан хоногийн мөнгийг буцаан олгохгүй.
  4. Ямар нэг шалтгаанаар амрах боломжгүй болсон тохиолдолд 2 хоногийн өмнө мэдэгдэж мөнгөө эргүүлэн авч болно.

Амрагчид дараах зүйлсийг бэлтгэн хувийн бэлтгэлээ хангана

  • Иргэний үнэмлэх, эмчилгээний карт,
  • Өрхийн буюу мэргэжлийн эмчийн тодорхойлолт
  • 2 ээлжийн дотуур гадуур хувцас, алчуур
  • Ариун цэврийн хэрэглэл/ шүдний оо, сойз, сам, 00-н цаас, саван
  • Гэрийн халад, тавчик / биеийн тамирын хувцас /
  • Аяга,халбага
  • Бариа засалд хэрэглэх зөөлөн даавуу 2м

Хориглох зүйл:

  1. Архи тамхи хэрэглэх
  2. Амралтын зохион байгуулагчийн зөвшөөрөлгүй гадагш явах
  3. Хүүхэдтэй амрах
  4. Өрөөндөө гадны хүн оруулах
  5. Өрөөний эд хогшилыг хооронд нь солих, эвдэж сүйтгэхийг хориглоно